MACHAFUKO YA SILAHA KATIKA JAMII YA WAZAYONI ISRAEL

Matumizi ya silaha katika jamii ya Wazayuni, yamewatia tumbo joto viongozi wa utawala wa Israel kutokana na kuongezeka kwa vitendo vya jinai na kukosekana kwa utulivu huko katika ardhi za Palestina zinazokaliwa kwa mabavu. Kuhusiana na suala hilo, hapo jana gazeti la Kizayuni la Haaretz liliandika kuwa, karibu silaha zipatazo laki mbili na tisini elfu zipo mikononi mwa wakazi wa utawala huo bandia, ambapo kati ya hizo silaha laki moja na 57 elfu zinamilikiwa wa walowezi wa Kiyahudi huku nyingine laki moja na 30 elfu zikiwa mikononi mwa vyombo vya usalama vya utawala huo. Kwa mujibu wa takwimu zilizotolewa na gazeti hilo, tangu mwaka 2002 hadi sasa wanawake wapatao 16 wa Kizayuni wamekwishauliwa na waume zao kwa kutumia silaha hizo moto. Aidha gazeti hilo limeeleza kuwa, mbali na askari wa Kizayuni kutumia silaha katika maeneo yao ya kazi, huzihifadhi silaha hizo majumbani mwao, suala ambalo linazidi kuhatarisha jamii ya Wazayuni. Gazeti la Kizayuni la Haaretz limeandika kuwa, kwa ujumla hakuna usimamizi wala udhibiti wowote unaofanywa kuhusiana na silaha zinazowekwa katika makazi ya askari wa Kizayuni suala ambalo limepelekea askari hao kuzitumia katika vitendo visivyo vya kijeshi kama vile wizi na kadhalika. Matumizi ya silaha katika jamii ya Kizayuni na kuruhusiwa raia wengi wa utawala huo kubeba silaha hizo, kunajiri katika hali ambayo vitendo vya ukatili na uhalifu mbalimbali wa jinai umegeuka na kuwa tatizo sugu kwa jamii ya utawala wa Israel. Alaa kulli hali, kushadidi mwenendo wa utumiaji silaha katika jamii ya Kizayuni na ambao unahesabiwa kuwa mgogoro wa ndani wa utawala wa huo, kunaakisi jinai mbalimbali ambazo zinafanywa na utawala wa Tel Aviv dhidi ya nchi mbalimbali za ulimwengu. Kwa upande mwingine, kuruhusiwa matumizi ya silaha huko Israel, kuna maana kwamba, utawala huo hauna uwezo wa kuwadhaminia usalama raia wake na kwamba, raia hao ndio wanaopaswa kujilinda wenyewe kwa kutumia silaha hizo. Hata hivyo badala ya silaha hizo kuleta amani na usalama, zimezusha vitendo vya ukatili, machafuko na uasi katika jamii ya Wazayuni. Hakuna shaka kwamba, kushadidi hali ya machafuko katika jamii ya Israel, ni moja ya sababu zilizopelekea kuongezeka kwa kasi hali ya uhamaji wa Wazayuni kutoka ardhi za Palestina zinazokaliwa kwa mabavu, kwani Mayahaudi hao hawako tayari kuishi katika jamii iliyojaa jinai na machafuko. Inasemekana kuwa, viongozi wa utawala wa Kizayuni sambamba na kutoa ahadi za uongo kuhusiana na kuwepo pepo iliyoahidiwa kwa ajili ya Mayahudi huko Palestina, wanatumia kila njia ili kuwashawishi Wazayauni kuhamia katika ardhi hizo wanazozikalia kwa mabavu. Hata hivyo Mayahudi hao hukumbana na hali iliyo tofauti kabisa na ahadi hizo mara tu wanapowasili huko.